وینا ملک کی ایک بار پھر شوبز سرگرمیوں میں بھرپور انداز سے انٹری کی تیاریاں

لاہور(این این آئی) معروف اداکارہ وینا ملک نے ایک بار پھر سے شوبز سرگرمیوں میں بھرپور انداز سے انٹری کی تیاریاں شروع کردیں، اس مرتبہ وہ اکیلی نہیں بلکہ اپنے شوہر اسد بشیر خٹک کے ہمراہ اپنی آواز کا جادو چلاتی دکھائی دیں گی۔اس سلسلے میں انھوں نے حال ہی میں اپنا ایک نئی وڈیو تیار کی ہے جس کے ٹیزر کو سوشل میڈیا پر زبردست رسپانس ملا ہے۔ اپنے ایک انٹرویو میں وینا ملک نے کہا کہ شوبز میری پہچان ہے۔

اوراس کی وجہ سے خوب شہرت حاصل کی۔ یہی وہ شعبہ ہے جس کی بدولت دنیا بھرمیں میرے پرستاروں کی تعداد میں حیرت انگیز اضافہ ہوا لیکن جہاں تک بات میری نئی اننگز کی ہے تواس میں بہت ہی منفرد انداز میں کام کرتی دکھائی دوں گی۔وینا ملک نے کہا کہ اس مرتبہ میں نے اپنے شوہراسد کے ساتھ مل کر موسیقی کے کچھ نئے تجربات کیے ہیں ہم نے ایک وڈیو بھی تیار کی ہے اس کی لانچنگ تقریب جلد منعقد کی جائے گی لیکن اس سے پہلے ہم نے اپنے گیت کا ایک ٹیزر سوشل میڈیا پر اپ لوڈ کیا تھا جس کا رسپانس ہماری توقعات سے بڑھ کرسامنے آیا ہے۔

The post وینا ملک کی ایک بار پھر شوبز سرگرمیوں میں بھرپور انداز سے انٹری کی تیاریاں appeared first on JavedCh.Com.

from JavedCh.Com http://ift.tt/2F2groQ